რას მივაქციოთ ყურადღება ბორდიურის შეძენის დროს?

მწარმოებლის რეპუტაცია და გარანტია

ტექნიკური მახასიათებლების გარდა, ბეტონის ბორდიურის შეძენისას მნიშვნელოვანია ყურადღება მიაქციოთ მწარმოებლის რეპუტაციასა და მის მიერ შემოთავაზებულ გარანტიას. მოითხოვეთ ხარისხის სერტიფიკატი, რომელიც  დაადასტურებს, რომ პროდუქტი სტანდარტებს სრულად აკმაყოფილებს და გახსოვდეთ, რომ პასუხისმგებლიანი მწარმოებლები, რომლებიც დარწმუნებულნი არიან თავიანთი პროდუქციის ხარისხში, გარანტიებს აუცილებლად მოგცემენ – ეს კი განსაკუთრებით მნიშვნელოვანია ბეტონის ბორდიურის შემთხვევაში, რადგან ის გამოიყენება გარე სივრცეში და ექვემდებარება როგორც კლიმატურ, ისე სხვადასხვა ტიპის ზემოქმედებას.

გარდა ამისა, შეძენამდე სასურველია მოიძიოთ ინფორმაცია მწარმოებლის შესახებ – წაიკითხოთ მომხმარებელთა გამოხმაურებები, ნახოთ მათი პროდუქციის რეალური ფოტოები და გაეცნოთ მათ გამოცდილებას ბაზარზე. ასევე, კარგი იქნება თუ შეძენამდე საკუთარი თვალით ნახავთ  პროდუქტის ნიმუშს, რათა შეაფასოთ მისი ვიზუალური მხარე და ხარისხი.

როცა ყველა დეტალი მნიშვნელოვანია 

გახსოვდეთ, რომ ბორდიური (ზოგისთვის იგივე ,,ბარდიული’’) არის ის ელემენტი, რომელიც გავლენას ახდენს როგორც თქვენი ტერიტორიის ფუნქციონალურობაზე, ასევე მის ვიზუალურ მხარეზე. ამიტომ, მისი შერჩევის პროცესში, ნუ აჩქარდებით – გაანალიზეთ ყველა ის დეტალი, რაც ოპტიმალური შედეგის მისაღებად შეიძლება გადამწყვეტიც კი იყოს. 

ტექნიკური მახასიათებლები, ესთეტიკური მხარე და მწარმოებლის სანდოობა – ეს სწორედ ის პარამეტრებია, რომლებიც გადაწყვეტილების მიღებამდე კომპლექსურ მიდგომას საჭიროებს, რადგან საბოლოო ჯამში სწორედ ეს ფაქტორები ახდენს გავლენას ბორდიურის ხარისხზე და იმაზე, თუ რამდენად შეესაბამება ის ამა თუ იმ არქიტექტურულ პროექტს. ,,ლეგი’’ კი სწორედ ის კომპანიაა, სადაც ასეთ დეტალებს ყველაზე დიდ ყურადღებას აქცევენ. 

„ლეგი’’ – ინოვაციური მიდგომა ბეტონის ინდუსტრიაში

საქართველოში ბეტონის ნაკეთობების ინდუსტრიის ფლაგმანი, აღჭურვილი ევროპული სტანდარტის საწარმოებით (ქობულეთსა და თბილისში), 2011 წლიდან ამზადებს ეკოლოგიურად უსაფრთხო, ყინვამედეგობის, წყალშთანთქვის, მდგრადობისა და ცვეთადობის მოთხოვნების შესაბამის პროდუქციას. აქ  უნიკალური ე.წ. ,,ქოლორ მიქს’’ ტექნოლოგიითა და გერმანული წარმოების დანადგარებით მზადდება ისეთი ხარისხის ბორდიურები, რომლებსაც საქართველოს მასშტაბით წარმატებით იყენებენ სხვადასხვა მნიშვნელოვან ობიექტზე, მათ შორის: ბათუმის ბულვარში, სასტუმროებს, პარკებსა და სასაზღვრო-გამშვებ პუნქტებზე და სხვ. 

აქვე აღსანიშნავია, რომ კომპანიამ ცნობადობა და სანდოობა სწორედ უმაღლეს დონეზე შესრულებული სამუშაოების – მათი ხარისხის, გამძლეობისა და პროდუქციის მრავალფეროვნების შედეგად მოიპოვა. მომხმარებლის ინტერესებზე ორიენტირებული მიდგომა და გამჭვირვალე საქმიანობა კი ის ორი ძირითადი და ყველაზე მნიშვნელოვანი დეტალია, რის გამოც ,,ლეგი’’ საქართველოს ბაზარზე უკვე წლებია უკონკურენტო ლიდერია.