დიზაინის ელემენტები

საფასადე ბლოკი: ტექნიკური მახასიათებლები და გამოყენება

საფასადე ბლოკი (ზომით 390x190x190 მმ) წარმოადგენს მრავალფუნქციურ სამშენებლო-მოსაპირკეთებელ ელემენტს. იგი გამოიყენება მყარი ღობეების, საყრდენი კედლებისა და ფასადის დეკორატიული ნაწილების ასაშენებლად.

ხელმისაწვდომია როგორც ცალმხრივი, ისე ორმხრივი საფასადე ბლოკები. ცალმხრივი ბლოკი გამოიყენება კედლების მოსაპირკეთებლად ისეთ ადგილას, სადაც მხოლოდ ერთი მხარეა ხილული, ხოლო ორმხრივი ვარიანტი ოპტიმალურია გამყოფი ღობეებისთვის, რადგან ვიზუალურ ეფექტს ორივე მხრიდან თანაბრად ინარჩუნებს.

ვიზუალური მრავალფეროვნება: ბლოკების ფაქტურა ძალიან ჰგავს ბუნებრივ ქვას. ფერთა პალიტრა კი მოიცავს რუხ, ყავისფერ, ყვითელ, შავ და წითელ ტონებს, ასევე „ქოლორ მიქსს’’, რომელიც ორი ან მეტი ფერის შერევაზე დაფუძნებული ტექნოლოგიაა.

ღობისა და სვეტის ქუდები: არქიტექტურული აქცენტი

ღობის კონსტრუქციის გრძელვადიანი მდგრადობა მნიშვნელოვანწილად დამოკიდებულია ღობის ქუდზე (ე.წ. ბლოკის ღობის ქუდზე). ის არა მხოლოდ იცავს ზედა ნაწილს ნალექისა და ტენიანობისგან, არამედ ამაგრებს მთლიან სტრუქტურას და აძლევს დასრულებულ, მოწესრიგებულ იერს. მისი ფუნქცია ერთდროულად არის როგორც კონსტრუქციული, ისე ვიზუალური.

ტექნიკური დანიშნულება და ჰიდროიზოლაცია: ღობის ქუდი ზედა ნაწილს იცავს ისე, როგორც დამცავი საფარი. მისი ზედაპირი სპეციალურად არის დაქანებული, რათა წვიმის ან თოვლის წყალი არ დაგროვდეს. ეს დეტალი პრაქტიკულად კრიტიკული მნიშვნელობისაა: ტენიანობის შეღწევა ბლოკის შიდა ღრუებში დროთა განმავლობაში იწვევს ნესტს, ხოლო გაყინვა-გალღობის ციკლის დროს – მასალის შიგნიდან დაზიანებასა და ბზარებს. სწორედ ამიტომ, სწორად შერჩეული და დამონტაჟებული ქუდი მნიშვნელოვნად ახანგრძლივებს ღობის ექსპლუატაციის ვადას.

ზომები და თავსებადობა: „ლეგის“ ასორტიმენტში წარმოდგენილი ღობის ქუდი (600×280×55 მმ) სრულად თავსებადია სტანდარტული ბლოკით ნაშენ კონსტრუქციებთან. მისი პროპორციები გათვლილია კედლის ზედაპირის სრულ გადაფარვაზე, რაც უზრუნველყოფს ნალექის სწორ გადინებას და იცავს ფასადს დანესტიანებისგან. ასეთი ზუსტი დაფარვა მინიმუმამდე ამცირებს ნაპირების დაზიანების რისკს და მნიშვნელოვნად ახანგრძლივებს ნაგებობის ექსპლუატაციის ვადას.

ესთეტიკური მხარე: ღობის ქუდი კონსტრუქციას ანიჭებს დასრულებულ და ვიზუალურად გამართულ იერს. ფერთა არჩევანი კი საშუალებას გაძლევთ, ელემენტი გამოიყენოთ როგორც კონტრასტული აქცენტი ან შეუხამოთ ის ძირითად ტონს, რათა მთლიანი სივრცე გარეშე თვალისთვის უფრო ჰარმონიულად აღიქმებოდეს. 

ცალკე აღნიშვნის ღირსია სვეტის ქუდი (480x480x55 მმ), რომელიც სპეციალურად მასიური სვეტებისა და ბოძების დასასრულებლად არის შექმნილი.

სტრუქტურული ერთიანობა: სვეტი, როგორც წესი, ღობის მზიდი ნაწილია, ამიტომ მისი დაცვა ზემოდან ჩამომავალი ნალექისგან პრიორიტეტულია.

ვიზუალური ეფექტი: კვადრატული ფორმის ქუდი სვეტს უფრო მკაფიო და მასშტაბურ იერს ანიჭებს. მისი გეომეტრია მარტივად ერწყმის საფასადე ბლოკს და აყალიბებს ერთიან, შეკრულ ვიზუალურ ხაზს.

დეკორატიული ბოძები და საფეხურები

ეზოს დიზაინის ელემენტებად მიიჩნევა დეკორატიული ბოძებიც, რომლებიც „ლეგის’’ კატეგორიაში ოთხ სხვადასხვა სიმაღლეშია ხელმისაწვდომი (200 მმ-დან 800 მმ-მდე). ეს ელემენტები შეუცვლელია ტერასების, აივნების ან ბაღის ბილიკების დეკორატიული შემოფარგვლისთვის. 

გამძლეობა: ისევე როგორც სხვა დანარჩენი, ბოძებიც ვიბროპრესვის მეთოდით მზადდება, რაც მათ მექანიკურ სიმტკიცეს და გარემო პირობებისადმი მედეგობას განაპირობებს.

რაც შეეხება დეკორატიულ საფეხურებს, ეზოს სხვადასხვა დონის დასაკავშირებლად ,,ლეგიში’’ წარმოდგენილი საფეხურების სიგრძე ვარირებს 750 მმ-დან 1000 მმ-მდე, ხოლო სიმაღლე სტანდარტულია (150 მმ), რაც გადაადგილებისას მაქსიმალურ კომფორტს უზრუნველყოფს.

გარე ელემენტების გამძლეობა და ექსპლუატაცია

„ლეგის’’ ყველა პროდუქტი გადის ლაბორატორიულ კონტროლს ყინვაგამძლეობაზე. მასალის დაბალი წყალშთანთქმა განაპირობებს იმას, რომ ტემპერატურული ცვალებადობისას ბეტონის სტრუქტურა არ ირღვევა. გარდა ამისა, პიგმენტები, რომლებიც გამოიყენება წარმოებაში, მდგრადია ულტრაიისფერი გამოსხივების მიმართ.

ფასზე მოქმედი ფაქტორები

პროდუქციის ღირებულება ფორმირდება რამდენიმე ფაქტორის საფუძველზე:

ნედლეული და პიგმენტი: რუხი ფერის ელემენტები ყველაზე ეკონომიურია. ფერადი ნაკეთობების ფასი უფრო მაღალია პრემიუმკლასის პიგმენტების ხარჯის გამო. ყველაზე მაღალ საფასო კატეგორიას განეკუთვნება „ქოლორ მიქსი’’.

გაბარიტები: საფეხურებისა და ბოძების შემთხვევაში, ფასი პირდაპირპროპორციულია ნაკეთობის სიგრძისა და წონის.

დამუშავების ტიპი: ორმხრივი საფასადე ბლოკი, მისი წარმოების ტექნოლოგიური სირთულის გამო, განსხვავდება ცალმხრივი მოდელებისგან.

ეზოს დიზაინის ელემენტების შერჩევისას მნიშვნელოვანია კომპლექსური მიდგომა, რათა ზომები, ფერები და სტილი ჰარმონიულად შეეხამოს არსებულ ლანდშაფტსა და არქიტექტურას.

————

თუ პროექტის დაგეგმვის ეტაპზე ხართ და გჭირდებათ კონსულტაცია მასალების შერჩევის პროცესში, „ლეგის’’ გუნდი მზად არის დაგეხმაროთ და გაგიწიოთ სრულფასოვანი კონსულტაცია.

დაგვიკავშირდით დღესვე +995 577 93 55 99