ბორდიურის ფასი – გასათვალისწინებელი ფაქტორები ბიუჯეტის სწორად განსაზღვრისთვის

რა განასხვავებს ტროტუარის (საფეხმავლო) ბორდიურს დეკორატიულისგან?

ერთი მასალისგან დამზადებულ ამ ორი სხვადასხვა სახელწოდების ბორდიურს ფუნქციური დანიშნულებაც სხვადასხვა აქვს. პირველი და მთავარი განმასხვავებელი ნიშანი მათი გამოყენების მიზნობრიობაა.  როგორც ზემოთ აღვნიშნეთ, დეკორატიული ბორდიური უფრო ესთეტიკური ეფექტის მისაღებად გამოიყენება, ხოლო ტროტუარის ბორდიური უსაფრთხოების უზრუნველსაყოფად. გარდა ამისა, საფეხმავლო ბორდიური ხელს უწყობს წვიმის წყლის სწორ დინებას, რასაც ვერ ვიტყვით დეკორატიულზე.

ზემოთ ჩამოთვლილთან ერთად, შედარებით განსხვავდება მათი გამოყენების სფეროები – მაგალითად, საფეხმავლო ბორდიური გამოიყენება ტროტუარებსა და ქვეითთა ზონებში, საცხოვრებელ და კომერციულ უბნებში, პარკებსა და ქალაქის სხვა ლანდშაფტურ პროექტებში, ხოლო დეკორატიულ ბორდიურს ძირითადად უპირატესობას ანიჭებენ ბაღებში,  დასასვენებელ სივრცეებსა და  რეკრეაციულ ზონებში. ასევე იყენებენ სავაჭრო ცენტრებისა და მოედნების ლანდშაფტური მოწყობისას.

რა ღირს ბორდიური და რა ფაქტორები განაპირობებს ფასის ცვლილებას?

კონკრეტული პროექტის სპეფიციკის ცოდნის გარეშე,  კითხვაზე – რა არის ბორდიურის ფასი – ზუსტი პასუხის გაცემა შეუძლებელია, თუმცა, არსებობს რამდენიმე ფაქტორი, რომლითაც ბორდიურის ფასი განისაზღვრება და რაც საბოლოო ჯამში მთლიან ღირებულებაზე მნიშვნელოვან გავლენას ახდენს. ამრიგად, მათი გაანალიზება ხარჯების სწორად გაწერასა და მიახლოებითი ბიუჯეტის განსაზღვრაში გვეხმარება.

ალბათ გასაკვირი არ იქნება თუ ვიტყვით,  რომ ზემოთ განხილული სამივე ტიპის ბორდიურის ფასს დამზადების ტექნოლოგიასთან ერთად, მათი ზომა, სიგრძე, სიგანე და სიმაღლეც განაპირობებს. იქ, სადაც მეტი მასალის გამოყენების საჭიროებაა – ბუნებრივია, იზრდება ხარჯებიც. მაგალითად, ლეგიში მზადდება საგზაო ბორდიური ზომით 1000 x 300-ზე, ხოლო პარკის დეკორატიული ბორდიური – 500 x 200-ზე, ეს კი იმაზე მეტყველებს, რომ დეკორატიული ბორდიურის დამზადებას ნაკლები მასალა სჭირდება და შესაბამისად, მყიდველს შედარებით დაბალი ფასის გადახდაც მოუწევს.  

გასათვალისწინებელია ფერის ფაქტორიც – ზოგადად, ნებისმიერი ბორდიურის სტანდარტული საწყისი ფერი არის რუხი, მაგრამ თუ სხვა ფერის მისაღებად (წითელი, ყავისფერი ან შავი) პიგმენტის დამატებას გადაწყვეტთ, ფასიც შესაბამისად მოიმატებს. გახსოვდეთ, რომ ხარჯები იზრდება ზომებისა და სისქის მიხედვითაც – რაც უფრო მეტი მასალა დაიხარჯება დიდი ზომისა და მოცულობის ფილების დასამზადებლად, მით უფრო მეტი იქნება საბოლოო ჯამში გადასახდელი თანხა.